Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Echinochloa oryzoides

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Panisso(-faus-ris)

Echinochloa oryzoides

Poaceae Graminaceae

Noms en français : Échinochloé faux riz, Mil des rizières.

Descripcioun :
La panisso-faus-ris trachis dins li risiero de Camargo. Sèmblo proun au pèd-de-gau, mai lou brout (paniculo) èi mai sarra en aut, retoumbo sus lou coustat un cop madur, e peréu èi de coulour rousso. Poudèn apoundre que lis espigueto soun mai grosso (> 4 mm e 3 mm pèr Echinochloa crus-galli) e porton toujour de lònguis arèsto (20 à 25 mm).

Usanço :
Aquesto planto s'atrovo soulamen dins li risiero qu'èi samenado emé lou ris. Adounc, au contro dóu pèd-de-gau, fai pas de gròssi poupulacioun e se vèi d'un biais regulié. Pèr acò èi tihous de lucha contro èlo.

Port : Grando erbo
Taio : 30 à 150 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Echinochloa
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 8 à 15 cm
Flourido : Estiéu

Sòu : Ca
Autour basso e auto : 0 à 50 m
Aparado : Noun
Juilet à setèmbre

Liò : Risiero
Estànci : Mesoumediterran
Couroulougi : Óurigino paleoutroupicalo
Ref. sc. : Echinochloa oryzoides (Ard.) Fritsch, 1891

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis riparia x Vitis rupestris & Echinochloa oryzoides

ges

Coumpara Lambrusco(-bastardo) emé uno autro planto

Coumpara Panisso(-faus-ris) emé uno autro planto